Old Spookses’ Pass, Malcolm’s Katie and Other Poems

by Isabella Valancy Crawford


 

“MY AIN BONNIE LASS O’ THE GLEN.”


 

Ae blink o’ the bonnie new mune,
    Ay tinted as sune as she’s seen,
Wad licht me to Meg frae the toun,
    Tho’ mony the braw-side between: [Page 199]
Ae fuff o’ the saftest o’ win’s,
5
    As wilyart it kisses the thorn,
Wad blaw me o’er knaggies an’ linns—
    To Meg by the side o’ the burn!

My daddie’s a laird wi’ a ha’;
    My mither had kin at the court;
10
I maunna gang wooin’ ava’—
    Or ony sic frolicsome sport.
Gin I’d wed—there’s a winnock kept bye,
    Wi’ bodles an’ gear i’ her loof—
Gin only tak her an’ her kye,
15
    Hell glunsh at himsel’ for a coof!

My daddie’s na doylt, tho’ he’s auld,
    The winnock is pawkie an’ gleg;
When the lammies are pit i’ the fauld,
    They’re fear’d that I’m aff to my Meg.
20
My mither sits spinnin’—ae blink
    O’ a smile in her kind, bonnie ‘ee;
She’s minded o’ mony a link
    She, stowlins, took o’er the lea

To meet wi’ my daddie himsel’,
25
    Tentie jinkin’ by lea an’ by shaw;
She fu’s up his pipe then hersel’,
    So I may steal cannie awa’.
O leeze me o’ gowany swaird,
    An’ the blink o’ the bonnie new mune!
30
An’ the cowt stown out o’ the yaird
    That trots like a burnie in June! [Page 200]

My Meg she is waitin’ abeigh—
    Ilk spunkie that flits through the fen
Wad jealously lead my astray
35
    Frae my ain bonnie lass o’ the glen!
My forbears may groan i’ the mools,
    My daddie look dour an’ din;
Wee Love is the callant wha rules,
    An’ my Meg is the wifie I’ll win! [Page 201]
40